Mubimoko ye muangisi mia nsangu, Mfumu yaki Nabi kia Mbanza ngungu lombele, tuka lumbu kia n’tatu ngonda ntualani, mafunda mole makumole ye tanu, nkangu ye mi muangi’ansungu mukala ngangu mu lumbu biabi bia mvita.
Bila kia lukutukunu lua mi muangi’ansangu imunzitusulu a minsiku mia kisalu kiawu mu lumbu bia mvita kintulumuka ya M23 ba veno moko kua makesa ma nsi ya Rwanda.
Yani walombele kua binguzi tekila mulutisa zi nsangu yifeti kala zozo zitatuka kuna zimfumu batuadisanga binguzi biabio mukati kia kongo dia mvimba.
Mulandila mambu metiluta ye mvuadingisa zinsangu muna miningu evo kimvuka yalukutakanu kia bantu babo »réseaux sociaux » , mfumu ya ki Nabi kia Mbanza-Ngungu bokele diaka bo batuadisanga bimvuka kia whatsapp, yantika sola nani kafeti kotesa kunakati kia kimvuka.
Mfumu Willy Makumbani tele kua nkangu wa Mbanza-Ngungu bakala napi ye ngangu, yempe mbila yoyo zele kuazi mfumu zazi 7 secteurs yoyo yena mu ki Nabi kia Mbanza-Ngungu, kuna kua zi mfumu za 47 groupements, kua zi mfumu zam’agglomérations yeba nkaka pe . « konsofulu kuena tufetikala ngangu ye vayikisa mintatu vo bakamene», tele mfumu Willy Makumbani.
Wabokele nkangu wawo mutula mfumu a nsi Félix Tshisekedi moko ye makesa nsi’eto ye konso muntu katatamana sala salukiani muna ngemba kiawonsono.